ФАКУЛТЕТИ ФИЗИКА

Кафедраи оптика ва спектроскопия Кафедраи физикаи ҷисмҳои сахт
Кафедраи мошинҳои ҳисоббарор, системаҳо ва шабакаҳо Кафедраи электроникаи физикӣ
Кафедраи астрономия Кафедра метеорологии и климатологии
Кафедраи физикаи умумӣ Кафедраи физикаи ядроӣ
Кафедраи услуби таълими физика Кафедраи физикаи назариявӣ 

 

Декани факултет

доктори илмҳои физикаю-математика, дотсент

Солиҳов Давлат Қуватович

        Факултети физика яке аз факултетҳои куҳантарини донишгоҳ ба      ҳисоб рафта, он 1949 ҳамчун факултети физикаю математика        таъсис    ёфтааст.  Соли 1964 факултети физика аз таркиби  факултети физикаю математика ҷудо шуда, ба сифати факултети  мустақил то кунун фаъолият  дорад.

            Факултет айни ҳол маркази пурқуввати таълимию илмӣ ва   муҳандисӣ буда, 872 донишҷў, 65 нафар профессорону устодонро  муттаҳид мекунад, ки  дар байни онҳо 7 докторҳои илм,  профессорҳо, 32 нафар номзадҳои илм, дотсентон, 3 нафар  Арбоби илму техникаи Ҷумҳурии Тоҷикистон, 3 нафар корманди  Шоистаи Ҷумҳурии Тоҷикистон фаъолият доранд.

             Ба сохтори  факултет кафедраҳои зерин шомиланд:

 Физикаи ҷисмҳои сахт (мудир, д.и.ф.-м., профессор Абдуллоев Ҳ.М.);

 Физикаи назариявӣ (мудир, н.и.ф.-м., дотсент Зарипов А.Қ.);

 Физикаи умумӣ (мудир,  н.и.ф.-м., дотсент Истамов Ф.Х.);

 Оптикаю спектроскопия (мудир, н.и.ф.-м., дотсент Исломов З.);

 Физикаи ҳаста (мудир, н.и.ф.-м., дотсент Махсудов Б.И.);

 Методикаи  таълими физика (мудир,  н.и.ф.-м., дотсент Нарзуллоев Н.);

 Электроникаи физикӣ (мудир, н.и.тех., дотсент Гадоев С.М.);

 Астрономия (мудир, н.и.ф.-м., дотсент Раҳмонов А.А.);

 Мошинҳои ҳисоббарор, системаҳо ва шабакаҳо (мудир н.и.ф.-м., дотсент Ҷураев Х.Ш.).

             Дар факултет аз рўи ихтисосҳои зерин мутахассис тайёр карда мешавад: физика; астрономия; радиофизика ва электроника; мошинҳои ҳисоббарор, системаҳо ва шабакаҳо; метеорология ва климатология; метрология, стандартикунонӣ ва сертификатсия.

             Хатмкардагони болаёқат имконияти давом додани таҳсил ва иҷрои корҳои илмӣ-тадқиқотиро доир ба мавзўъҳои актуалӣ дар аспирантура доранд. Ҳамчунин донишҷўён, аспирантон ва номзадҳои илм аз ҷумлаи ҷавонон барои иҷрои корҳои дипломӣ, аспирантура ва коромўзӣ ба марказҳои илмӣ ва донишгоҳҳои хориҷӣ фиристода мешаванд.

             Хатмкардагони факултет воқеан дар ҳамаи ҷабҳаҳои давлатӣ ва хоҷагии халқи Ҷумҳурии Тоҷикистон, инчунин дар хориҷи кишвар бомуваффақият фаъолият доранд. Системаи маориф, марказҳои илмӣ-таҳқиқотӣ, микроэлектроника, наноэлектроника, радиотехника, системаҳои алоқаи мобилӣ, технологияи компютерӣ аз ҷумлаи онҳост. Хатмкардагони факултет имрўзҳо дар вазоратҳову донишгоҳҳо ва пажўҳишгоҳҳои илмӣ-таҳқиқотӣ самаранок фаъолият мекунанд: Раҳимов Ф.Қ. – президенти Академияи илмҳои Ҷумҳурии Тоҷикистон, узви вобастаи АИ ҶТ, д.и.ф.м., профессор; Одинаев С. – ноиб-президенти Академияи илмҳои Ҷумҳурии Тоҷикистон, академики АИ ҶТ, д.и.ф.м., профессор; Марупов Р.М. – академики Академияи илмҳои Ҷумҳурии Тоҷикистон, д.и.т., профессор; Абдурасулов А.А. – собиқ ректори Донишгоҳи техникии Тоҷикистон ба номи М.С. Осимӣ, н.и.ф.м., дотсент; Мақсудов А. – директори Институти политехникии (ш. Хуҷанд) назди Донишгоҳи техникии Тоҷикистон ба номи М.С. Осимӣ, н.и.ф.м., дотсент; Муминов Ҳ.Ҳ. – директори Институти физикаю техникаи ба номи С.У. Умарови АИ ҶТ, узви вобастаи АИ ҶТ, д.и.ф.м., профессор; Холмуродов Х.Т. – мудири сектори Институти муттаҳидаи таҳқиқотҳои ядроии ш. Дубнаи Федератсияи Русия; Сарҳадов И. – ходими пешбари илмии Институти муттаҳидаи таҳқиқотҳои ядроии ш. Дубнаи Федератсияи Русия ва дигарҳо. Профессорон Ҳакимов Ф.Х., Нарзиев Б.Н., Бобоев Т.Б., Абдуллоев Ҳ.О. бо унвони Арбоби илм ва техникаи Тоҷикистон, дотсент Нарзиев Ҳ.Н. бо унвони корманди Шоистаи Ҷумҳурии Тоҷикистон, профессор Абдуллоев Ҳ.М. ва дотсент Саъдуллозода Ҳ. бо ордени «Шараф» сарфароз шудаанд.

             Таҳқиқотҳои илмӣ дар 9 кафедраи факултет аз рўи 4 самт, 9 масъала ва 10 мавзўъҳои илмӣ иҷро мегарданд. Дар иҷрои корҳои илмӣ-таҳқиқотӣ тамоми устодон, аспирантҳо ва кормандон иштирок менамоянд. Донишҷўёни факултети физика дар олимпиадаҳо иштирок намуда ҷойҳои намоёнро ишѓол менамоянд. Дар факултет маҳфилҳои илмии донишҷўён фаъолият мекунанд. Факултет бо донишгоҳ ва марказҳои илмӣ-таҳқиқотии Русия, Украина, Қазоқистон, Беларус, Эрон ва гайраҳо ҳамкории илмӣ дорад.

             Факултети физика ба донишҷўён тамоми шароиту имкониятҳоро фароҳам овардааст, то ки онҳо соҳиби донишҳои амалию назариявии мукаммал дар соҳаи физика, астрономия, радиофизикаю электроника ва технологияи компютерӣ гардида,  мутахассиси болаёқат шаванд.

ДОНИШГОҲИ МИЛЛИИ ТОҶИКИСТОН

Менюи асосӣ

Много шаблонов Joomla на JooMix.org